Europako herri ezberdinetako hizlariek etorkizun feminista posibleei buruzko beraien tesiak partekatuko dituzte, Coppieters eta Iratzar fundazioek, elkarlanean, antolatutako Feminismoak periferietatik jardunaldian.

Feminismoak periferietatik jardunaldiaren ardatzak: (1) hizkuntzaren eta feminismoaren arteko harremana, diskurtsoak gure errealitateak nola moldatzen dituen eta diskriminazioak betikotzeko erabili den, eta (2) feminismo intersekzionalaren kontzeptua eta gai horiek Europako eta munduko gizarte askotariko eta konplexuetan nola jorratzen diren.

Eztabaida genero-berdintasunaren eta feminismo intersekzionalak gure gizarteak guztiontzako leku inklusiboago, sozialago eta ingurumenekoago bihurtzeko duen paperaren ingurukoa izango da, eztabaiden tonua ezarriz eta periferiei esanahi berriak emanez.

Betaurreko feminista erabiliko dugu desberdintasunaz, aitortu gabeko identitateez, kokapen periferikoaz eta botere-egitura desberdinez hitz egiteko, Europako gutxiengoek eta nazio minorizatuek zapalkuntzaren aurka borrokatzen jarraitzen duten faktore gisa.

Era berean, intersekzionalitatearen zentraltasuna azpimarratuko dugu periferiakoentzat, hemen kontzeptu geografiko eta politiko gisa ulertuta, erabakiak hartzeko aukerari lotua, aniztasuna besarkatzeko eta kulturen arteko elkartasuna sortzeko modu gisa.

Hizlariek beren esperientziak eta ikuspegi pertsonalak partekatuko dituzte erronkei eta etorkizun feminista posibleei buruz.

Gizarte zientziek (antropologia linguistikoak, soziolinguistikak, psikologia sozialak, hizkuntzalaritzak, ikerketa feministek…) aspaldi atzeman zuten badela loturarik hizkuntza praktiken eta sexu/genero sistemaren artean, eta hainbat ikuspegitatik aztertu dute harreman hori. Hala ere, azterketa horietako gehienak hizkuntza hegemonikoen baitan gertatzen diren praktiketan oinarritu dira, hau da, bereziki ikertu da indarrean diren maskulinitate eta feminitate ereduen eraikuntzan zer rol jokatzen duten hizkuntza praktikek.

Geroago etorri da hizkuntza minorizazioak, hizkutza horien praktikak eta sexu-genero sistemak elkarri nola eragiten dioten aztertzea; galizieraren kasuan edo euskararen kasuan jada ikerketa lerro eta corpus bihurtzen ari da.  Are, lotura hori hizkuntza minorizatuen biziberritzeko politikak osatzerakoan faktore ezinbesteko gisa hartzen hasi dira.

Hurrats bat harago egitea proposatzen da mahai-inguru honetan: hizkuntz minorizatuen aldeko borrokek eta feminismoak duten harremanaz eta aliantza aukerez gogoetatzea. Izan ere, hizkuntza zapalkuntza herriak menderatzeko tresna indartsuenetakoa ez ezik, egungo kapitalismo basatiak ezinbestekoa duen kultur homogeneizazioa bermatzekoa ere bada. Aldi berean, feminismoak ekarritako begirada intersekzionala da testuinguru honetan paradigma emanzipatzaile osoena dakarkiguna. Funtsean, ahizpak diren bi borroka.

Egitaraua

1.PANELA: AKTIBISMOA ETA FEMINISMOA HIZKUNTZA MINORIZATUENTZAT: ERALDAKETA SOZIOPOLITIKORAKO ALIANTZA.

Hizlariak:
Mélanie Jouitteau, bretoieran espezializatutako CNRSko ikertzailea.
Idurre Eskisabel, kazetaria, ikertzailea eta idazlea
Eibhlín Niccormaic, Bere tesian irlandar hizkuntzaren eta feminismoaren arteko lotura aztertzen da, batez ere Armagh-en eta Maghaberry-n dauden emakume preso errepublikanoei “Troubles”-en zehar.

Moderatzailea: Lorea Agirre, kazetaria, Jakin aldizkariaren zuzendaria

2.PANELA: FEMINISMOA ETA INTERSEKZIONALITATEA

Hizlariak:
Maggie Lennon, Bridges proiektuaren zuzendaria eta Women for Independence erakundeko ordezkaria Eskozian.
María Rodó, ikertzailea, idazlea eta irakaslea Serra Húnter MIDE departamentuan (Hezkuntza Fakultatea, Bartzelonako Unibertsitatea)
Soraya Sough, Kabiliako Autodeterminazioaren Aldeko Mugimenduko (MAK) zuzendaritzako kidea