NOR GARA


Iratzar Sortuk abiatutako Fundazioa da, ikuspegi estrategikoa lantzen du, epe laburreko erronka, mezu eta eztabaidetatik haratago. Ideien lehia izanen da Iratzar Fundazioaren lan esparru nagusia, Euskal Herria aske, sozialista, independiente, euskaldun eta feminista lortzeko estrategiaren zerbitzura.

Gaur egungo ezker independentista urteetako ibilbidearen fruitua da. Iratzar Fundazioak ezker independentistaren erroak, bere ibilbidearen gakoak, gaur egungo egoeraren diagnostikoa eta etorkizunerako egitasmo eta bideak landuko ditu.

Geroari begira lan eginen du, batez ere, Iratzar Fundazioak. Iraultza demokratikoa, sortu nahi dugun estatu independientearen definizioa eta Euskal Herriak behar duen XXI. mendeko egitasmo sozialistaren formulazioaren sakonketa izanen dira lanaren lehentasunak.

Halaber, Iratzar Fundazioak ezker abertzalea eta Euskal Herria munduko askapen ahalegin eta berriztapen ideologiko eta politikoen kartan kokatu eta uztartuko ditu. Sortu ohiko alderdia ez delarik, Iratzar Fundazioa ez da ohiko fundazioa izanen, guk ez baitugu pentsalari-adituen klub elitistarik antolatu nahi. Honenbestez, Iratzarrek jakintza, hausnarketa, azterketa eta egitasmoaren formulazio gaitasunaren herritaratzea izanen du helburu.

Iratzar Fundazioak eskua luzatu nahi die Euskal Herria aske eta justuagoaren alde elkarlanean jardun nahi duten pertsona eta eragile kolektibo guziei. Gaur egungo ezker independentista urteetako ibilbidearen fruitua da. Iratzar Fundazioak ezker independentistaren erroak, bere ibilbidearen gakoak, gaur egungo egoeraren diagnostikoa eta etorkizunerako egitasmo eta bideak landuko ditu.

FLOREN

AOIZ MONREAL

(1966). Iratzar Fundazioaren zuzendaria, abian jarri zenetik. Sortuko Kontseilu Nazionalaren kidea. Fundazioan hainbat atal ezberdinetan jarduten dut: koordinazioan, ordezkapen publikoan, beste fundazio soberanistekiko harremanetan, prospekzio estrategikoan eta abar. Hainbat liburu idatzi dut Txalaparta Argitaletxean. Zutabegilea 2002tik GARA egunkarian.

JOSEBA

PERMACH MARTIN

(1969). Trebakuntza politikoan ari da Iratzar Fundazioan. Formakuntza politikoa eraberritu, dinamika parte hartzaileak eragin eta pentsamendu kritikoa eta kidegoaren ahalduntzea du helburu. Ekonomian lizentziatua eta soziologian graduatua da. EHUko irakaslea ere bada soziologia II sailean. “Esku ikusezinaren itzal luzea. Ekonomialarien erretorikaren kritika”(UEU/EHU, 2018) liburua argitaratu du.

ELENA

BELOKI RESA

(1961). Iratzarreko nazioarteko departamentuko arduraduna, munduko joerak aztertzea eta eraldaketa eremuetan murgildu eta lantzea da bere zeregina. Transform Europe! sarean Iratzarreko ordezkaria da. Antropologoa, Nazio Harremanetan aditua, Informazio zientzietan lizentziatua eta Magisteritzan diplomatua.

EGOITZ

URRUTIKOETXEA LASKIBAR

(1974), Ipar Euskal Herriaz eta Frantziako Estatuaz arduratzen da Iratzar Fundazioan. Historian doktoregaia da. Frantziako Iraultza garaiko hizkuntza politika eta euskara (Elkar,2017) liburua argitaratu du.

IDOIA

ZENGOITABENGOA LAKA

(1989) Koordinatzaile lanetaz eta trebakuntza politikoaz arduratzen da Iratzar Fundazioan. Norbanakotik eta kolektiboan hausnarketa, eztabaida, (des)ikaste… finean, ahalduntzerako espazioak sortzen dihardu. Praktikatik eta teoriatik jakintza kolektiboa eraikitzen. Soziologian lizentziatua, ikerketarako teknikak eta ikasketa feministetatik edana.

ANDONI

OLARIAGA AZKARATE

(1984) Periskopioaren ardura dauka Iratzar Fundazioan. Prospekzioa, diagnostikoak eta analisiak egiten ditu. Filosofian doktorea da. Modernitatearen auziaz (Jakin, 2009), Euskal pentsamenduaren gida (UEU, 2012) eta Independentzia helburu (Txalaparta, 2015) liburuak idatzi ditu (beste autore batzuekin batera). Gaur egun, Erria aldizkariko koordinatzaileetako bat da.

IPARRORRATZA



ERRIA



TWITTER